70 ёшли Дон Горске бутун ҳаёти давомида 34 мингдан ортиқ Биг Мак истеъмол қилгани учун Гиннес рекордлари китобига киритилди. Бу ҳақда китобнинг расмий сайтида маълумот берилган.
Америкалик Дон жами 34 128 та бургер еган бўлиб, улардан 728 таси 2023 йилда сотиб олинган. У илк марта 1999 йилда Гиннес рекордлар китобига кирган эди.
Биринчи бургерни у 1972 йил 17 майда McDonald’sс да сотиб олган:
Биг макни татиб кўргач, мен бутун ҳаётим давомида фақат шу таомни истеъмол қиламан деб ният қилдим ва ўша кундан бошлаб ҳар бир бургер қадоғини йиғиб, санай бошладим, — дейди Горске.
Аввалига у кунига тўққизта бургер истеъмол қилган бўлса, ҳозир у кунига иккитасини ейди: бирини тушликда, иккинчисини кечки овқатда. У нонушта қилмасликни афзал кўради.
Рекордчининг сўзларига кўра, у 1973 йилдан 1981 йилгача онасининг илтимосига кўра бургердан бошқа маҳсулотлар истеъмол қилиб келди, аммо Горске ортиқ бундай диетага чидай олмади. Сўнг яна фақат бургерлар билан таомланиш одатига қайтди. Қизиқарлиси, Горскенинг соғлиғидан ҳеч қандай шикояти йўқ. Ортиқча вазн тўпламаслик учун у жуда кўп пиёда юради.
Рафиқам Мери менинг бундай овқатланиш тарзимга қарши эмас. У менинг оғир характеримни қабул қилган, бургерлар эса аёлим учун одатий ҳол, — дея тан олди Горске.
Изоҳ (0)