Ўзбекистонда таровиҳ намози ўқиладиган вақтлар эълон қилинди

Ўзбекистон Мусулмонлари идораси 10 март, якшанба куни таровиҳ намозининг ҳудудларда ўқиладиган вақтларини эълон қилди.

Қайд этилишича, рамазон ойи бошланиши олди адо этиладиган ушбу намоз мамлакатнинг 14 та ҳудудидаги масжидларда ўқилади.

Таровиҳ намози ҳудудлар кесимида қуйидаги вақтларда бошланади:

• Фарғона — 20:15;
• Наманган — 20:15;
• Андижон — 20:30;
• Тошкент вилояти — 20:30;
• Тошкент шаҳри — 20:30;
• Сирдарё — 20:30;
• Жиззах — 20:30;
• Самарқанд — 20:45;
• Қашқадарё — 20:45;
• Сурхондарё — 20:45;
• Навоий — 20:50;
• Бухоро — 20:50;
• Хоразм — 21:10;
• Қорақалпоғистон Республикаси — 21:10.

Эслатиб ўтамиз, Ўзбекистонда рамазон ойи 11 мартдан бошланади. Туркий давлатлар уламолари фиқҳий қоидаларга таянган ҳолда, фалакий ҳисоб-китоб ва астрономик кузатувларни эътиборга олиб, рамазон ойининг биринчи куни душанба кунига тўғри келиши ҳақида якдил фикрга келган.