Остонада чиқиндиларни қайта ишлаш заводида ноқонуний меҳнат фаолиятини амалга ошираётган 37 нафар Ўзбекистон фуқароси аниқланди. Бу ҳақда Закон.кз хабар берди.
Қозоғистон пойтахтида бир кунлик рейдлар давомида Миграция хизмати томонидан тегишли ҳужжатларга эга бўлмаган 119 нафар чет эллик ишчи аниқланган. Уларнинг 37 нафари Ўзбекистон фуқаролари ҳисобланади. Миграция хизмати ходимлари қонунчиликка риоя қилишга чақириб, тегишли рухсатномасиз қолган хорижликларни иш берувчи томонидан қайта ишга ёллаш учун жиноий жавобгарлик ҳақида огоҳлантирди.
Эслатиб ўтамиз, аввалроқ Қозоғистонда полиция ходимлари Россияда уч кишини ўлдирганликда гумонланаётган Ўзбекистон фуқаросини қўлга олганди. У 2016 йилда шериги билан Москва вилоятида бўлган вақтида 3 кишини ўлдирганликда айбланганди.
Изоҳ (0)