Келиб чиқиши асли фаластинлик бўлган америкалик шифокор Моҳаммад Субеҳ Ғазо секторида соғлиқни сақлаш тизими тўла вайрон бўлгани ҳақида маълум қилди. Бу ҳақда CNN нашри хабар берди.
Хабарда айтилишича, Ғазо жануби, хусусан, Рафаҳ ва Жабалия ҳудудларида тизим буткул ишдан чиққан. Ҳужумларда жароҳатланган минглаб беморлар кўчалардаги чодирларда сақланмоқда.
“Ғазо сектори ҳозирда моҳиятан ягона травматология зонасига айланиб қолган. Биз ҳар қандай жароҳатни очиқ ҳолатда даволашга мажбурмиз. Бу ерда одамлар диабет ва гипертония каби даволаш мумкин бўлган оддий касалликлардан ўлмоқда”, — деган Калифорниядан келган тез тиббий ёрдам бўлими шифокори, доктор Моҳаммад Субеҳ.
Шифокор қўшимча қилишича, бутун дунё Исроилдан ўт очишни тўхтатишни сўраётган бир пайтда, Тель-Авив қўл остидаги кучлар Ғазодаги инфратузилманинг ҳар қандай кўринишини атайлаб вайрон қилмоқда. Исроил қасддан тинч аҳолини нишонга олаётгани айтилган.
Изоҳ (0)