Россия ва АҚШ космосда, хусусан, Халқаро космик станция лойиҳаси доирасида ҳамкорликни давом эттирмоқда. Бу ҳақда Россия Федерацияси бош вазири ўринбосари, саноат ва савдо вазири Денис Мантуров 4 март куни маълум қилди. “ТАСС” бу ҳақда хабар бермоқда.
“Биз коинот бўйича халқаро мулоқотга очиқмиз. Биз ҳозирги қийин шароитда ҳам АҚШ билан ҳамкорликни давом эттиряпмиз”, — деган юқори мартабали Россия расмийси.
Хабарда айтилишича, Россия давлат аэрокосмик корпорацияси Роскосмос НАСА билан ҳамкорликдаги ўзаро парвозлар дастурини 2025 йилгача узайтирган. Мамлакатлар узоқ муддатли ҳамкорликни назарда тутган янги шартнома борасида ҳам иш олиб бормоқда.
Украинадаги уруш шароитида икки мамлакат манфаатларига жавоб берувчи бу ҳамкорлик томонларни тўла қарама-қаршиликдан сақлаб турадиган омил сифатида кўрилмоқда. Сиёсий рақобат илмий-техник ҳамкорликка таъсир этмагани айтилган.
Изоҳ (0)