Айни пайтда Шавкат Мирзиёев Хоразм вилоятини ижтимоий-иқтисодий ривожлантириш вазифалари юзасидан йиғилиш ўтказмоқда. Йиғилишда Урганч шаҳридаги Махсус тиббиёт индустриал паркига 50 миллион долларлик 12 та лойиҳа жойлаштирилиши маълум қилинди.
Йил якуни билан фармацевтика корхоналари сонини 26 тага, маҳсулот турини 50 тага етказиш муҳимлиги таъкидланди.
Умуман, айтилган имкониятлардан фойдаланиб, вилоятга 1,5 миллиард доллар сармоя, шундан 1 миллиард доллар хорижий инвестиция жалб қилиш, 600 миллион доллар экспортни амалга ошириш вазифаси қўйилди.
Бундан олдин Саноатни ривожлантириш жамғармасидан Хоразмга 100 миллион доллар ажратиладиган бўлганди. Урганч тумани “Чакка-шоликор” қишлоғида технопарк ташкил қилиш, йил якунигача электротехника, тўқимачилик ва қурилиш материаллари йўналишида 100 миллион долларлик лойиҳаларни ишга тушириш вазифаси қўйилган.
Изоҳ (0)