Ойбек Маннанов Тошкент шаҳар Мирзо Улуғбек туман прокурори лавозимига тайинланди. Бу ҳақда туман ҳокимлиги матбуот хизмати хабар берди.
Ойбек Маннанов 1986 йилда Тошкент шаҳрида таваллуд топган. Маълумоти олий — ҳуқуқшунос, 2009 йилда Тошкент давлат университетини ҳамда 2017 йилда Бош прокуратура Олий ўқув курсларини тамомлаган. 2020 йилнинг февраль ойидан буён Тошкент шаҳар прокурорининг халқаро-ҳуқуқий масалалар бўйича катта ёрдамчиси лавозимида ишлаган.
Тайинловга қадар у Тошкент шаҳар Олмазор тумани прокурори лавозимида ишлаб келаётганди.
Эслатиб ўтамиз, 2023 йил август бошларида Ўзбекистон президентининг тегишли фармонига асосан адлия катта маслаҳатчиси Шерзод Тўхтабоев бош прокурорнинг ўринбосари лавозимига тайинланган эди. Ундан олдин бош прокурорнинг буйруғига асосан адлия катта маслаҳатчиси Икром Наримов транспорт прокурори этиб, шунингдек, Андижон, Наманган ва Самарқанд вилоятларига янги прокурорлар тайинлангани тўғрисида хабар берилганди. Август бошларида Андижон вилояти прокурори Сирожиддин Эшқувватов Тошкент вилояти прокурори лавозимига тайинланганди.
Изоҳ (0)