Испанияда археологлар сирли ёзувлар билан қопланган 2000 йиллик тарихга эга бронзадан ясалган қўлни топдилар. Бу ҳақда Antiquity журналида чоп этилган тадқиқотда айтилган.
Хабарларга кўра, тадқиқотчилар Испания шимолида ҳайратланарли даражада қизиқарли топилмага дуч келишган: тахминан 2000 йил олдин ясалган бронза қўлнинг орқа томонида тўрт қатор ғалати белгилар ёзилган.
Олимларнинг таъкидлашича, бу ёзув қадимги палео-испан тиллари билан боғлиқ ва ҳозирги Испанияда баск тилига айланган тилнинг бир қисми бўлиши мумкин.
Маълумки, қўл ясаган даврда бу ҳудудда жуда кам ёзма мисоллар қолдирган Васконес қабиласи яшаган.
Археологларнинг фикрича, бронза қўл қабила аъзолари яшаган уй кираверишига осилган бўлиши мумкин.
Шунингдек, олимлар бронзадан ясалган мазкур қўл қандайдир маросим ёки маданий аҳамиятга эгалиги ҳақида ҳам тахминлар билдиришган.
Изоҳ (0)