Дубай амири Муҳаммад ибн Рашид ал-Мактумнинг Европада катта бўлган грек қизи борлигини кўпчилик билмайди. Кейинчалик қиз БААдаги ҳаётни танлаган ва исломни қабул қилган. Шу йилнинг ёзида эса арабистонлик тадбиркорга турмушга чиқди.
1993 йилда Муҳаммад грек аёл Зоя Григоракосга уйланади. Афтидан, шайх уни иккинчи хотини қилиш ниятида бўлмаган — у 1979 йилдан бери амакиваччаси Ҳинда билан никоҳда бўлган. Миш-мишларга кўра, Муҳаммад европалик аёл билан мутъа — исломнинг сунний мазҳабида рухсат этилган вақтинчалик никоҳ тузган.
1994 йилда уларнинг қизи Кристина дунёга келади ва тез орада Зоя чақалоғи билан Европага қайтиб кетади. Аввалига Кристина онаси билан Лондонда яшайди, кейин Грецияга кўчиб ўтишади. Қиз насроний бўлиб ўсган ва Европа анъаналари бўйича тарбияланган, аммо Муҳаммад қизини моддий жиҳатдан қўллаб-қувватлаб турган.
Шайхнинг грек қизи 16 ёшида Дубайга кўчиб ўтади. Исломни қабул қилиб, Мара исмини олади, шундан сўнг отаси унга қироллик унвонини беради. Шундай қилиб, Кристина шайха Мара бинту Муҳаммад ибн Рашид ал-Мактумга айланади.
Қизиғи шундаки, Мара ўгай опа-сингиллари маликалар — Латифа ва Шамса бир умр орзу қилган ишнинг тескарисини қилади, улар аксинча Дубайдан Европага қочишга ҳаракат қилишади. Маликаларнинг драматик ҳикоялари жаҳон матбуотида қизғин муҳокама қилинади.
Мавзуга доир: Ҳашаматли ҳаёт ёки уй қамоғи: араб шайхларининг қизлари қандай яшайди?
Мара ижтимоий тармоқларда фаол — саҳифаларида ўз ҳаётида нималар бўлаётганини баҳам кўради. Қиз миллий кийимда суратга тушишни яхши кўради, лекин кийиниш қоидаларига қатъий риоя қилмайди. Мисол учун, Мара сочларини яширмайди.
Бир неча йил олдин шайхнинг қизи Шарқнинг энг гўзал қизлари 10 талигига кирганди. 2023 йилда эса 29 ёшли Мара Дубай ҳукмрон оиласи вакили, ўзининг узоқ қариндоши бўлган шайх Мана ал-Мактумга турмушга чиқди.
Мавзуга доир: Шарқнинг энг гўзал келини: Дубай ҳукмдорининг соҳибжамол қизи шайха Мара турмушга чиқди (фото)
Изоҳ (0)