Ўзбекистонда чет элда ишлаб чиқарилган пиво ва виноларни реклама қилишга 2025 йилдан рухсат берилади.
-S0cJ5cm3.jpg)
Шавкат Мирзиёев “Ўзбекистон Республикасининг айрим қонун ҳужжатларига Ўзбекистон Республикаси миллий қонунчилигини Жаҳон савдо ташкилоти битимларига мувофиқлаштиришни назарда тутувчи ўзгартириш ва қўшимчалар киритиш тўғрисида”ги қонунни имзолади. Ушбу қонун Олий Мажлис Сенатининг қирқ тўққизинчи ялпи мажлисида кўриб чиқилиб, маъқулланганди.
Қонунга киритилган ўзгартиш ва қўшимчаларга асосан чет элда ишлаб чиқарилган пивони, табиий ва кўпикланадиган виноларни реклама қилиш юзасидан чеклов бекор қилиниб, бу билан бозорда рақобат муҳитини юзага келишига замин яратилмоқда.
2022 йил июнь ойида қабул қилинган қонуннинг амалдаги таҳрири фақат маҳаллий ишлаб чиқарилган вино ва пиво рекламасига рухсат беради. Бу меҳмонхоналарда, спиртли ичимликлар дўконларида, умумий овқатланиш корхоналарида, поездлар ва самолётларда, шунингдек, тунги вақтда телевизор ва радио орқали амалга оширилиши мумкин.
Изоҳ (0)