Жаҳон соғлиқни сақлаш ташкилоти (ЖССТ) Қозоғистонга 46 миллион доллар ажратди. Республика Соғлиқни сақлаш вазирлиги тегишли сумма нималарга сарфланишини маълум қилди. Бу ҳақда Tengrinews хабар берди.
18 февраль куни Остонада соғлиқни сақлаш вазири Акмарал Алназарова, БМТнинг Қозоғистондаги доимий координатори Микаэла Фриберг-Стори, ЖССТнинг Қозоғистондаги вакили Скендер Сил иштирокида пандемия фонди ишга туширилди.
Қозоғистон уч йил давомида 19 миллион долларлик давлат гранти ва 27 миллион долларлик мултидавлат грантини олган ЖССТнинг Европа минтақасидаги 36 давлатдан бири бўлди.
Пандемия фонига йўналтирилган ушбу маблағлар Қозоғистон соғлиқни сақлаш тизимида эпидемиологик назорат, чегара назорати, лаборатория хавфсизлиги, касалликни эрта аниқлаш ва оқибатларини бартараф этиш, шунингдек, кадрлар тайёрлаш соҳасидаги муаммоларни ҳал қилишга йўналтирилади.
Изоҳ (0)