19 февраль куни Афғонистон темирйўл бошқармаси раҳбари етакчилигидаги делегация Трансафғон темирйўли масаласида янги ҳамкорликка эришиш учун Қобулдан Тошкентга жўнатилди. Бу ҳақда Ariana News нашри хабар берди.
Хабарда айтилишича, Афғонистон темирйўл бошқармаси раҳбари вазифасини бажарувчи Бахтур Раҳмон Шарафат ва унинг делегацияси Ўзбекистон пойтахти Тошкентга ташриф буюрган. Делегация вакиллари томонлар ўртасида ҳамкорликни мустаҳкамлаш юзасидан ташкил этиладиган икки томонлама учрашувларда қатнашади.
Афғонистон делегацияси раҳбари Бахтур Шарафат Ўзбекистонга сафари давомида Ҳайратон маъмурий биноси ва ҳозирда қурилаётган Ўзбекистоннинг Термиз вокзалига ҳам ташриф буюриши режалаштирилган. Учрашувнинг қолган тафсилотлари кейинчалик маълум қилиниши айтилган.
Изоҳ (0)