Netflix стриминг хизмати Жанубий Кореянинг “Кальмар ўйини” сериалининг иккинчи мавсуми тизерини тақдим этди. Фрагмент 2024 йилда чиқариладиган лойиҳалар тақдимотига киритилган.
Ролик биринчи мавсумнинг якуний саҳнасини давом эттиради. Унда ўйин ғолибига телефон қилиниб, бу қароридан пушаймон бўлиши ваъда қилинади. “Нима бўлишидан қатъи назар, барибир сени топаман”, — дейди Сонг Ки Хун суҳбатдошига.
Бундан ташқари, Netflix иккинчи мавсумнинг илк кадрларини ҳам намойиш этди.
Премьеранинг аниқ санаси ҳозирча ошкор этилмаган. Янги эпизодларда бош ролларни Ли Бён Хун, Ви Ха Жон, Конг Ю, Им Си Ван, Кан Хан Юл, Парк Сун Хун, Янг Донг Геун ва бошқа актёрлар ижро этган.
Сериалдан ташқари, Netflix “Кальмар ўйини”дан илҳомланилган мусобақа тарзидаги реалити шоу ҳам ишлаб чиққан. Уларда 456 нафар иштирокчи 4,56 миллион доллар учун кураш олиб борди ва фақат битта ғолиб соврин жамғармасини қўлга киритди. Шоу ҳам иккинчи мавсумда давом этади.
Изоҳ (0)