Россиянинг Польшага ҳужум қилиш эҳтимоли баҳоланди

Польша мудофаа вазири Владислав Косиняк-Камиш Россиянинг НАТО давлатларига ҳужум қилиши сценарийсини истисно қилмаслигини айтди. Бу ҳақда у “Супер Экспресс” газетасига берган интервьюсида маълум қилди.

Мудофаа вазири Россия Украинадаги ҳарбий мағлубияти натижасида Польшага тўғридан тўғри ҳужум қилиши мумкинми, деган саволга жавоб берди.

Мен барча сценарийларни, ҳатто уларнинг энг ёмонини ҳам жиддий қабул қиламан. Бу мудофаа вазирининг ҳозирда биз дуч келган вазиятдаги вазифасидир, — деди у.

Владислав Косинияк-Камиш бу шунчаки сўзлар эмаслигини таъкидлаб, уларни “жуда эҳтиёткорлик билан” қўллаётганини билдирди.

Ҳар бир сценарийга тайёр бўлиш керак, шунинг учун аудит ўтказамиз, хулосалар чиқарамиз ва бўшлиқларни, хусусан, қурол соҳасида тўлдирамиз. Йирик харидлар жуда муҳим, бироқ аскарларнинг шахсий жиҳозлари ҳам бирдек аҳамиятли, — деди вазир.

Унинг таъкидлашича, Польша Европа Иттифоқининг умумий ҳимоясида жуда муҳим рол ўйнайди, бу ҳақда Европа Иттифоқи комиссияси ҳам билади.