Футбол бўйича Осиё Кубогининг ярим финалида Иордания терма жамоаси 6 февраль, сешанба куни Жанубий Корея қарши баҳс олиб борди.
Биринчи бўлимда дарвозалар ишғол этилмади. Иккинчи бўлимни эса иорданияликлар фаолроқ бошлади ва ҳисобни очди. 53-дақиқада Язан ал-Наимат ўз номини таблога ёздириб қўйди.
Шундан кейин ҳам Иордания ҳимоявий футболни танламади ва яна ҳужум қилишда давом этди. 66-дақиқага келиб, Иордания ҳисобни ишончли кўринишга олиб келди. Бу сафар Муса ал-Таамари гол муаллифига айланди.
Қолган дақиқаларда дарвозалар дахлсизлиги сақланиб қолди ва Иордания 2:0 ҳисобида ғалаба қозониб, финалга йўл олди.
Иккинчи ярим финалда Эрон ва Қатар ўзаро баҳс олиб боради. Улар ўртасидаги учрашув 7 февраль куни 20:00 да старт олади.
Осиё Кубоги
Ярим финал
6 февраль, сешанба
Иордания — Жанубий Корея 2:0
Голлар: 1:0 – 53 Ал-Наимат, 2:0 – 66 Ал-Таамари.
Изоҳ (0)