Суратга олиш жараёнида, айниқса франшиза ёки сериал ҳақида гап кетганда, кутилмаган ҳолатлар бўлиши мумкин. Ёш актёрлар ўсиб-улғаяди, вазн йўқотади ёки семиради ва актрисалар ҳомиладор бўлиши мумкин. Баъзида эса продюсерлар шунчаки актёр ўз характерини етарлича ҳис қилмайди деб ўйлашади, бундай пайтда актёрларни алмаштириш масаласи туғилади.
Гарри Меллинг
Гарри Поттернинг холаваччаси Дадли Дурсли сеҳргар болани Хогварцдан ташқарида қандай қийнашни жуда яхши биларди. Гарри “Қақнус ордени”да жиянини дементорлардан қутқариб қолгачгина, уларнинг муносабатлари яхшиланади. Кейинги сафар актёр “Ўлим туҳфаси” фильмида рол ўйнайди, лекин уч йил ичида шунчалик вазн йўқотадики, у деярли таниб бўлмас даражага келади.
Гарри Меллингдаги бундай ажойиб ўзгаришдан сўнг, уни алмаштириш ҳақида кўп баҳс-мунозаралар бўлади. Аммо охир-оқибат актёрнинг франшизада қолиши тўғрисида қарор қабул қилинади. Уни олдинги қисмлардаги Дадлига ўхшатиш учун Меллинг махсус “ёғли” костюм ва юз қопламаларини кийишига тўғри келади.
Женнифер Энистон
“Дўстлар” фильмининг суратга олиш ишлари бошланган йил Женнифер Энистон учун омадли йил бўлади. Актриса бир вақтнинг ўзида бир нечта сериаллардан таклиф олади. Унинг иш жадвали шу қадар тиғиз бўладики, натижада у иккита сериалдан бирини танлашига тўғри келади. Агар бошқа сериалнинг рейтинги баланд бўлганда, Женнифер “Дўстлар” фильмини тарк этишга мажбур бўларди.
Яхшиямки, ўша лойиҳа юқори рейтингга чиқолмайди, шунинг учун Женнифер Рейчел Грин ролига қайтади, уни ижодий жамоа қучоқ очиб кутиб олади. Энди эса орадан 30 йил ўтиб, унинг ўрнида бошқа актриса бўлиши мумкинлигини тасаввур қилиш қийин.
Роберт Паттинсон
Роберт Паттинсон — “Сумерки” франшизасини тарк этишига оз қолган яна бир актёр. Гап шундаки, Роберт суратга олиш майдончасида китобдаги қаҳрамонга ўхшаб ўйнашга ҳаракат қилади. Асарда Эдвард ўзини йиртқич ҳайвон деб ҳисоблайдиган ва шундай ҳаракат қиладиган ғамгин қаҳрамон.
Шу сабабли актёр кам кулади, продюсерлар эса Белла билан муносабатлари енгилроқ ва қувноқроқ бўлишини хоҳлайди. Паттинсон ҳатто вампир учун ҳам жуда ғамгинроқ эди. Охир-оқибат агенти актёр билан жиддий суҳбатлашади, агар у шу руҳда ўйнашда давом этса, сериалдан ҳайдаб юборишларини айтади. Актёрнинг эса муроса қилишдан бошқа иложи қолмайди.
Рейчел Макадамс
Рейчел Макадамс Райан Гослингнинг талабига кўра “Хотира кундалиги” фильмидан кетишига оз қолади. Гап шундаки, улар суратга олиш майдончасида келиша олмайди. Бир куни Гослинг бутун суратга олиш гуруҳи олдида режиссёрга ультиматум қўяди: у Макадамсни бошқа актриса билан алмаштиришни сўрайди.
Бироқ режиссёр Гослингга қулоқ солмайди. У актёрларга ўзаро келишишга, ишга киришишдан олдин алоҳида хонада бир-бирига бақириб олишига рухсат беради. Шундан кейин ҳам лойиҳанинг суратга олиш ишлари силлиқ кечмайди, аммо Гослинг ва Макадамс охир-оқибат биргаликда ишлашга муваффақ бўлади.
Ҳелен Маккрори
Британиялик актриса Ҳелен Маккрори “Гарри Поттер ва Қақнус ордени” фильмида ёвуз қаҳрамон Беллатрикс Лестренж ролини ижро этиши керак эди. Бироқ ўша пайтда у ҳомиладор бўлгани сабабли бу ролга маъқулланмайди.
Бироқ франшиза ижодкорлари уни қўйиб юборишни хоҳламади. Гарчи Беллатрикс роли Ҳелена Бонем Картерга берилган бўлса-да, Драко Малфойнинг онаси Нартисса Малфой роли атайин Маккрори учун яратилади.
Тоби Магуайр
Тоби Магуайр “Ўргимчак одам” фильмида Питер Паркер ролини ўйнашга имзо чекканида, унга 3 фильмлик шартнома берилади. Аммо орада у бошқа лойиҳаларда иштирок этади. Улардан бирида у белидан жароҳат олади ва супер қаҳрамон роли учун зарур бўлган жисмоний тайёргарлик ҳисобга олиниб, продюсерлар актёрни алмаштириш ҳақида ўйлай бошлайди.
Питер Паркер роли учун биринчи номзод Жейк Жилленҳол эди. Маълумотларга кўра, Магуайр тузалиб, ролга қайтмоқчи эканини билдирганда Жилленҳол аллақачон сёмкага тайёрланаётганди.
Изоҳ (0)