Тошкентдаги хусусий боғчада тарбиячининг қўпол ҳаракати оқибатида болага тан жароҳати етказилди. Бу ҳақда болалар омбудсмани хабар берди.
Жабрланган боланинг онасининг айтишича, воқеа 17 ноябрь куни юз берган. У ўз ижтимоий тармоқдаги саҳифасида боғчада олинган видео, шифокор хулосасини эълон қилган. Видеода тарбиячи каравотда ўтирган болани бир қўлидан кўтариб, бошқа жойга олиб кетгани акс этган.
Онанинг сўзларига кўра, шу куни бола кун бўйи, айниқса, чап қўлига тегилганида йиғлаган. Бола шифокор кўригига олиб борилганида суяк синиши ташхиси қўйилган ва боланинг қўли гипсланган.
30 ноябрь куни болалар омбудсманига аёлнинг бу ҳақдаги мурожаати келиб тушган. Ҳозирда мазкур ҳолат юзасидан Яккасарой тумани ИИБ томонидан терговга қадар текширув ишлари олиб борилмоқда.
Изоҳ (0)