Пакетли чойлар инсон саломатлиги учун зарарлими?

Диетолог Ирина Писарева қўшимчалар билан бойитилган пакетли чойларнинг хавфлилиги ҳақида маълум қилди.

Мутахассиснинг таъкидлашича, кўпчилик ишлаб чиқарувчилар томонидан резавор ва меваларнинг табиий қисмлари ўрнига бўёқлар қўшилади. 

“Асосан, бу чойлар турли хил таъмга эга. Кўпинча одамлар ичганидан сўнг аллергияга дуч келади”, – дейди овқатланиш мутахассиси.

Мутахассис пакетларга солинган чойни бўялган хушбўй сув билан таққослади, яъни бу ичимликда фойдали микроэлементлар умуман йўқ. Қуйида озуқавий моддаларга бой учта чой тавсия этилади. Анъанага кўра, кўк чой энг фойдалиси ҳисобланади, аммо бошқа альтернативалар ҳам мавжуд:

Ассам

Ушбу нав ҳинд чойи бўлиб, кофеиннинг тери ҳолатини ёмонлашиши каби салбий таъсиридан қочиб, қаҳва ўрнини боса олади.

Ройбуш

Ортиқча вазндан халос бўлишга ёрдам беради: бу турдаги чой метаболизмни тезлаштиради ва ёғ ҳужайраларининг шаклланишига тўсқинлик қилади.

Гибикус

Олимлар кунига уч стакан гибискус баргларидан тайёрланган чой ичишни маслаҳат беради – бу қон босимини меъёрга келтиради, шунингдек, инфаркт ва инсульт хавфини камайтиради.