Кўк чойнинг бошқа ичимликларга нисбатан 5 та афзаллиги
Сўнгги тадқиқотлар ёшартирувчи табиий восита ҳақида нима дейди? “Новий очаг” нашри қуйида ушбу саволга жавоб берди.
Кўк чой ҳақиқатан ҳам ёшартиради
Кўк чой таркибида эпигаллокатехин галлат (EGCG) деб аталадиган табиий бирикма мавжуд. Кўпгина тадқиқотларга кўра, бу модда ҳужайраларга зарар етказмасдан олдин организмдаги оксидловчиларни фаолсизлантиради. Бундан ташқари, ушбу бирикма инсулин ишлаб чиқарилишини тартибга солувчи таъсирга эга.
Кўк чой чиндан тинчлантиради
Кўк чой кофеинни ўз ичига олади, лекин кофеинга қўшимча равишда унинг таъсирини меъёрлаштирадиган яна бир элемент — теанин мавжуд. Бу миядаги серотонин ва дофамин воситачилари миқдорини оширадиган аминокислотадир. Дофамин ва серотонин яхши кайфият учун жавобгардир. Сут билан кўк чой ичиш эса фойдани икки марта оширади.
Кўк чой вазн йўқотишга ёрдам беради
Кўк чой вазн камайтиришга ёрдам беради. Лекин бир ўзи эмас, балки жисмоний фаолият билан биргаликда. Яқинда ўтказилган тадқиқот шуни кўрсатдики, кунига 7 стакан кўк чой ичган ва жисмоний машқлар билан шуғулланганлар бир ой давомида худди шу машқни бажарган, лекин чой ичмаган гуруҳга қараганда 3 фоиз кўпроқ вазн йўқотган. Мана кўк чойнинг аёллар учун фойдалари!
Кўк чой саратонга қарши курашда ёрдам бериши мумкин
Мақоланинг бошида айтиб ўтилган эпигаллокатехин галлат (EGCG) саратон ҳужайраларининг ўсишини тўхтатишга қодир. Ҳатто саратон касаллигининг олдини олиш ва даволаш учун кўк чойнинг фойдалари ҳақида саволлар кўриб чиқилмоқда. Албатта, мустақил ва ягона восита эмас, балки умумий терапиянинг бир қисми сифатида. Олимлар эса саратон касаллигини даволашда синтезланган эпигаллокатехин галлатидан фойдаланиш бўйича тажриба ўтказмоқда.
Кўк чой ичакларни ҳимоя қилади
Кўк чой ичак микрофлорасини озиқлантириш учун фойдалидир. Бундан ташқари, кўк чой жигар учун ҳам ижобий таъсирга эга. Пробиотиклар фақат сут ёки сули ёрмасида топилган деб ўйлайсизми? Йўқ, кўк чой инфекция ва яллиғланишдан ҳимоя қилувчи фойдали бактерияларни ривожлантириш учун ажойиб манбадир.
Мавзуга доир:
- Вазн ортиши, қарамлик синдроми: қаҳвадан бир муддат воз кечишингиз кераклигини билдирувчи 4 та белги
- Саримсоқ, асал, D витамини: уларнинг қайси бири иммунитет тизимини мустаҳкамлайди, қайси бири йўқ?
- Кефирга тўйинтирилган гречка — соғлом оздирувчи энг оддий рецепт
