Латвия мамлакат терма жамоаларига Россия ва Беларусь жамоаларига қарши ўйнашни тақиқлади.
Латвия Сейми сайтида хабар қилинишича, “Спорт тўғрисидаги” қонунга тегишли ўзгартиришлар киритилди. Тақиқ Россия ва Беларусь жамоалари нейтрал байроқ остида иштирок этган ҳолларда ҳам қўлланилади.
Қонунга кўра, Латвия ҳам ушбу икки давлат жамоалари иштирокида жамоавий спорт турлари бўйича мусобақалар ташкил эта олмайди. Бу катталар ва ўсмирлар иштирокидаги турнирларга тегишли.
Латвия қонунидаги тузатишлар мамлакат спортчиларининг Олимпия ўйинларидаги иштирокига таъсир қилмайди. Бу борада қарорни Латвия Олимпия қўмитаси қабул қилади.
Изоҳ (0)