“Ҳумо Арена”да теннис бўйича Дэвис кубогининг биринчи плей-офф босқичи бўлиб ўтади

2-4 февраль кунлари теннис бўйича Дэвис кубогининг жаҳон миқёсидаги биринчи плей-офф босқичи бўлиб ўтади.

Ўзбекистон терма жамоаси 2-3 февраль кунлари Тошкентда Польшага қарши баҳс олиб боради.

Беллашувлар “Ҳумо арена” мажмуасида ўтказилади. Хабарга кўра, унда Денис Истомин ҳам иштирок этади.

Польша терма жамоаси таркибида эса айни пайтда жаҳон тасниф жадвалида 9-поғонани эгаллаб турган Хуберт Хуркач каби номдор спортчиларни учратиш мумкин. Жамоалар қуйидаги теннисчиларни рўйхатдан ўтказган:

Ўзбекистон: Денис Истомин, Ҳумоюн Султонов, Сергей Фомин, Максим Шин, Амир Милушев.

Польша: Хуберт Хуркач, Макс Касниковски, Камил Майхшак, Карол Дрзевски, Ян Зелиньски.