Latviya mamlakat terma jamoalariga Rossiya va Belarus jamoalariga qarshi o‘ynashni taqiqladi.
Latviya Seymi saytida xabar qilinishicha, “Sport to‘g‘risidagi” qonunga tegishli o‘zgartirishlar kiritildi. Taqiq Rossiya va Belarus jamoalari neytral bayroq ostida ishtirok etgan hollarda ham qo‘llaniladi.
Qonunga ko‘ra, Latviya ham ushbu ikki davlat jamoalari ishtirokida jamoaviy sport turlari bo‘yicha musobaqalar tashkil eta olmaydi. Bu kattalar va o‘smirlar ishtirokidagi turnirlarga tegishli.
Latviya qonunidagi tuzatishlar mamlakat sportchilarining Olimpiya o‘yinlaridagi ishtirokiga ta’sir qilmaydi. Bu borada qarorni Latviya Olimpiya qo‘mitasi qabul qiladi.
Izoh (0)