Бугун, 22 январь куни эрталаб Ҳиндистоннинг Сонипат шаҳридаги курортдан эркак ва аёлнинг ярим яланғоч жасадлари топилди.
The Tribune сайти хабарига кўра, эркак Деҳлида яшовчи 26 ёшли Ҳиманшу исмли шахс, аёл эса ўзбекистонлик бўлиб, унинг ёши 32 да, фамилияси эса Абдуллаева экани маълум қилинган.
Полиция ҳолат бўйича суриштирув ишларини бошлаган. Маълумотларга кўра, ўзбекистонлик аёл ҳиндистонлик эркак билан 21 январь, якшанба куни соат 20:30 атрофида Ками қишлоғидаги Мера Гаон Мера Деш курортига келиб жойлашган.
Душанба куни эрталаб улар хонадан чиқмаганидан кейин, меҳмонхона ходимлари хонага деразадан қараб, уларни каравотда жонсиз ҳолда ётганини аниқлашган.
Уларнинг ўлимига нима сабаб бўлгани ҳозирча маълум эмас. Полиция жасадларни суд-тиббий экспертизага жўнатган.
Изоҳ (0)