Парижда 2024 йилги Олимпиада ўйинлари олдидан қўшимча тўловлар берилишини талаб қилиб бир неча юз полициячи норозилик намойишида иштирок этди. Бу ҳақда Франция ОАВлари хабар бермоқда.
Хабар қилинишича, касаба уюшмалари Францияда ҳуқуқ-тартибот ходимларини ишга чиқмасликка чақириб, “қора пайшанба” эълон қилган. Намойишлар Бордо, Ренн, Нант, Страсбург, Лион ва бошқа шаҳарларда бўлиб ўтди. Улар иш ташлаш ва Олимпиада ўйинлари ўтказилишига халақит бериш билан таҳдид қилишди.
“Биз кўп марта расмийларга мурожаат қилдик, лекин яшаш шароитлари ва иш тартибларини тақсимлаш бўйича ҳеч қандай маълумот олмадик. Бизга 12 дан 50 соатгача бўлган цикллар ҳақида айтишди, бундай тартибда ишлаш жуда қийин”, — деди полицияси вакили.
Акция бир қатор полиция касаба уюшмалари томонидан ташкиллаштирилиб, ҳуқуқ-тартибот идоралари ходимларини бўлажак Олимпиада ўйинлари давомида машаққатли меҳнат учун 2 минг евро мукофот пули талаб қилишга чақирмоқда.
Мамлакат Ички ишлар вазирлиги маълумотларига кўра, Олимпиада ўйинлари давомида ҳар куни 30 мингдан ортиқ полициячи хавфсизликни таъминлаши кўзда тутилган.
Изоҳ (0)