Наманган шаҳридаги 11-сонли болалар мусиқа ва санъат мактабида Ўзбекистон халқ артисти Камолиддин Раҳимов музейи очилди. Бу ҳақда “Дарё” мухбири Азизбек Абдувалиев хабар бермоқда.
Фото: Ҳамдам Мамадалиев
Музейдан ҳофизнинг шахсий буюмлари, созлари, фото ва видео манбалар, қўшиқларидан иборат дисклар, ҳаёти ва ижодига бағишланган китоблар, газета ва журналлар ўрин олди.
Фото: Ҳамдам Мамадалиев
Фото: Ҳамдам Мамадалиев
Музейнинг очилиш маросимида Наманган шаҳри ҳокими Анваржон Отахўжаев, хонанданинг оила аъзолари ва мухлислар иштирок этди.
Фото: Ҳамдам Мамадалиев
Фото: Ҳамдам Мамадалиев
Мактабда ҳофиз таваллудининг 81 йиллигига бағишланган “Камолиддин Раҳимов қўшиқлари” республика фестивали ҳам ўтказилди. Унда водий ва воҳа вилоятлари ҳамда пойтахтдан келган ҳаваскор ва профессионал санъаткорлар иштирок этди.
Маълумот учун, ҳозирда Наманганда Ўзбекистон халқ артисти Камолиддин Раҳимов номидаги мусиқа ва санъат мактабини очиш юзасидан ҳам ташкилий ишлар олиб борилмоқда.
Изоҳ (0)