Бугун футбол бўйича Осиё Кубоги мусобақаси старт олади.
Мусобақанинг дастлабки учрашуви мезбон Қатар ва Ливан ўртасида бўлиб ўтади. Ўйин Тошкент вақти билан 21:00 да бошланади.
Футбол мутахассиси Алишер Никимбаев берган маълумотларга кўра, очилиш ўйинига 68 мингдан зиёд чипта сотилган. Ушбу баҳс қарийб 89 минг томошабинни ўз бағрига сиғдира оладиган “Лусаил” стадионида бўлиб ўтади.
Ўзбекистон терма жамоаси эса турнирни Сурияга қарши баҳс билан бошлайди. Ушбу ўйинга ҳозирча 11 мингга яқин чипта сотилган. Ҳиндистонга қарши баҳсга деярли 34 минг, Австралияга қарши учрашувга эса 10 мингга яқин чипта сотилган.
Изоҳ (0)