Футбол бўйича Ўзбекистон терма жамоаси Осиё Кубоги мусобақасидан Фаластинга қарши назорат ўйинида иштирок этганди.
Учрашув Сречко Катанес шогирдларининг кичик ҳисобдаги ғалабаси билан якунланган. Ўйиндан сўнг терма жамоанинг бир футболчиси жароҳат олиб, майдонни тарк этгани хабар қилинганди. Ушбу футболчи Ҳусниддин Алиқулов эканлиги ва унинг жароҳати қанчалик жиддийлиги борасида ЎФА маълумот берди.
Терма жамоанинг Фаластин билан бўлган машғулот ўйинининг биринчи бўлимида ҳимоячи Ҳусниддин Алиқуловни оғриқ безовта қилди ва мураббийлар уни алмаштирди. Шифокорлар томонидан Алиқуловга зарур муолажалар кўрсатилди.
Дастлабки кўрикда унинг аввалги жароҳати яна қайталангани маълум бўлди. Шундан сўнг Қатардаги “Аспетар” клиникасида унинг ҳолатини ўрганиш бўйича керакли амалиётлар бажарилди. Терма жамоа тиббий штаби барча хулосаларни ўрганиб чиқди ва Алиқуловнинг тузалиб қайтишига тахминан 4 ҳафта вақт талаб этилиши маълум бўлди. Бу эса унга Осиё Кубоги мобайнида жисмоний ҳолати ҳамда спорт формасини тўлиқ тиклашга тўсқинлик қилади.
Эслатиб ўтамиз, Ўзбекистон терма жамоаси Осиё Кубогидаги иштирокини 13 январь куни бошлайди. Илк ўйин Сурияга қарши бўлиб ўтади.
Изоҳ (0)