Кўпчилик Янги йилда “Уйда ёлғиз” ва Голливуднинг бошқа фильмларини томоша қилади. Аммо, тан олиш керакки, бу каби машҳур фильмлар энг ашаддий мухлисларининг ҳам жонига тегиши мумкин. Шу боис дунёнинг турли бурчакларида суратга олинган Янги йил ҳақидаги фильмларни тўпладик.
“Ақл бовар қилмас Рождество” (Германия, 2007)
IMDb рейтинги — 6.1
Сара тўртинчи марта турмушга чиққан. Рождество яқинлашмоқда ва у бу байрамни нафақат эри, олдинги никоҳдаги учта фарзанди ва эрининг биринчи турмушидан бўлган ўғли билан нишонлашга қарор қилади. Сара барча собиқ эрларини ҳам байрамга таклиф қилади. Зиёфат ўртасида у яна ҳомиладорлигини эълон қилади. Кечки овқат эса кутилмаган комедияга айланади.
“Меҳмонхонадаги Рождество” (Канада, 2017)
IMDb рейтинги — 7,3
Женна ва Кевин — журналист. Янги йилдан кейин уларнинг журналида ходимлар сонини қисқартириш кутилмоқда. Рождество ҳақида энг яхши мақола ёзган киши ишда қолади. Қаҳрамонлар тоғ-чанғи курортига хизмат сафарига боради. Бироқ йўлда улар қор бўронига тушиб қолишади. Женна ва Кевин кекса эр-хотин бошқарадиган кичик меҳмонхонада қолади. Ва улар бу бино бузилиши ҳақида хабар топади. Қаҳрамонлар меҳмонхона учун курашишга ва бу ҳақда мақола ёзишга қарор қилади. Бу йўлда улар бир-бирлари билан янада яқинлашади.
“Санта Ҳрякус: даҳшатли эртак” (Буюк Британия, 2006)
Бу хаёлий Ясси дунёда содир бўлади. Бу ерда Рождество эмас, балки Қўрқув куни нишонланади. Ўз навбатида ҳаммага совғаларни Санта Клаус эмас, балки Санта Ҳрякус келтиради. Аммо кейинги байрам арафасида Рождество афсунгари ва тиш париси йўқолиб қолади. Ясси дунё сеҳргарлари йўқолганларни топиш учун қўлдан келганча ҳаракат қилади.
“Санта ва компания” (Франция, 2017)
IMDb рейтинги — 6,3
Рождество арафасида элфлар тушунарсиз касалликка чалинади. Аммо сайёрадаги барча болалар совғаларни ўз вақтида олишлари керак. Яъни элфлар совға тарқатиш учун жавобгар. Ёрдамчилари учун мўжизавий даво излаб, Санта Ерга учади. Аммо бу ерда яна бир муаммо туғилади: бизнинг дунёмизда уни ҳеч ким танимайди.
“Менинг дўстим Санта Клаус” (Франция, 2014)
IMDb рейтинги — 6,3
“Уйда ёлғиз” фильми мухлислари учун жуда мос фильм. Фильм воқеалари Рождество оқшомида ўғрига дуч келган бола атрофида содир бўлади. Аммо фильм қаҳрамони Антуан ўғрини Санта Клаус деб ўйлайди. Ахир, жиноятчи қорбобога ўхшаб кийиниб олганди-да. Антуан ҳақиқий Қорбобо билан чана учишни орзу қилади. Шунинг учун, у Париж квартиралари бўйлаб “саёҳат қилаётган” ўғри билан бирга кетади.
“Янги йил арафаси” (Жанубий Корея, 2021)
IMDb рейтинги — 6,3
Саккиз хил қаҳрамон — ҳар бир инсоннинг муносабатларда ўзига хос қийинчиликлари бор. Ли Хе Ён эри билан ажрашади ва дарҳол Канг Жи Хо билан танишади. Спортчи Раэ Хван ва унинг севгилиси Оҳ Вол кўп тўсиқларга дуч келади, лекин севги ёрдамида ҳамма нарсани енгишга ҳаракат қилишади. Ёнг Чан хитойлик Яолин исмли аёлга уйланмоқчи, лекин аввало уларни машаққатли синов кутмоқда. Йигити томонидан ташлаб кетилган Мин Жин А эса Аргентинага қочиб кетади ва келишган Ли Чже Хонг билан танишади.
“Рождество эртаги” (Швеция, 2021)
IMDb рейтинги — 6,3
Карл бадавлат оиладан чиққан бола. Бадавлат бўлса ҳам, у почта бўлимида ишлайди. Карлнинг кумири бор — Робин Гуд. Шунинг учун Рождество кунида йигит ўзининг севимли қаҳрамонидек ҳаракат қилишга қарор қилади: бойлар учун мўлжалланган совғаларни камбағалларга юбориш. Айни пайтда Карл етим қиз билан танишиб қолади. Ва, албатта, улар ўртасида самимий муҳаббат уйғонади.
Изоҳ (0)