Ўзбекистон VisaGuide Passport Index паспорт индексида 2024 йил январь ҳолатига кўра, 128-ўринни эгаллади.
Қайд этилишича, Ўзбекистон паспорти мамлакат фуқароларига 31 давлатга визасиз саёҳат қилиш имконини беради, 19 давлат ўзбекистонликларга электрон виза ва 32 давлат келганида визалар беради. Ўзбекистон паспорти эгалари 144 давлатга кириш учун саёҳат қилишдан олдин виза олиши керак.
Марказий Осиё давлатлари орасида Қозоғистон паспорти энг яхши кўрсаткичга эга — 110-ўрин. Қирғизистон паспорти 132-ўрин, Тожикистон паспорти 140-ўрин ва Туркманистон паспорти 167-ўринда қайд этилган.
2023 йилги рейтингнинг мутлақ етакчиси Испания паспорти бўлди. Иккинчи ўринда Германия паспорти. Кучли бешликни Сингапур, Италия ва Франция паспортлари якунлайди.
Рейтингнинг сўнгги ўринларини Ироқ, Покистон, Сурия, Афғонистон, Сомали каби давлатларнинг паспорти эгаллаган.
Henley & Partners халқаро консалтинг компанияси томонидан тузилган дунёнинг энг кучли паспортлари рейтингида Ўзбекистон 2023 йилда 78-ўринни эгаллаган эди. Республика паспортига эга бўлганлар 59 та давлатга визасиз ёки соддалаштирилган тартибда кириш имконига эгалиги таъкидланганди. 2022 йилнинг апрелида эълон қилинган Passport Index рейтингда Ўзбекистон паспорти 63-ўринни, 2021 йилда эса 86-ўринни эгаллаганди.
Изоҳ (0)