Тошкент шаҳар Олмазор туманининг айрим ҳудудларида иссиқ сув ва иссиқлик таъминоти вақтинча тўхтатилади. Бу ҳақда Veolia Energy Tashkent ахборот хизмати хабар берди.
Маълум қилинишича, Сағбон кўчасидаги иссиқлик тармоқларида авариявий таъмирлаш ишлари олиб бориш ва тегишли жиҳозларни алмаштириш зарурати юзага келган. Шу туфайли, бугун, 18 декабрь куни қуйидаги манзилларда иссиқ сув ва иссиқлик таъминоти вақтинча тўхтатилади:
- Олмазор тумани — Қорақамиш 2/1, 2/4, 2/5 даҳалари, Ёлқин кўчаси.
Иссиқ сув ва иссиқлик таъминоти авариявий таъмирлаш ишлари тугалланиши билан (тахминан бугун соат 20:00 гача) тикланади.
Veolia Energy Tashkent МЧЖ ХК вақтинчалик ноқулайликлар учун олдиндан узр сўрайди ва иссиқ сув ҳамда иссиқлик таъминотини тезда тиклаш учун ўз томонидан барча зарур чораларни кўради.
Эслатиб ўтамиз, 16 декабрь куни Шайхонтоҳур ва Олмазор туманларининг айрим ҳудудларида иссиқ сув ва иссиқлик таъминоти вақтинча тўхтатилганди.
Изоҳ (0)