“Ўзгидромет” декабрь ойининг иккинчи ярмига дастлабки об-ҳаво прогнозини эълон қилди.
Унга кўра, 11—13 декабрь кунлари кузатилган кучли совуқлардан сўнг Ўзбекистон ҳудуди бўйича ҳаво ҳарорати аста-секин кўтарилади. 14 декабрда кечаси 8-13 даража совуқ, шимолда 15-17 даража совуқ атрофида бўлади, кундуз куни эса ҳаво 0-5 даража илиққача исийди.
15—17 декабрь кунлари ҳарорат кечалари 0-5 даража совуққача, баъзи жойларда 2 даража илиққача кўтарилади, кундуз кунлари 4-9 даража илиқдан 0-5 даража илиққача ўзгариб туради.
14—17 декабрь кунлари республиканинг барча ҳудудлари бўйича ёғингарчиликсиз об-ҳаво бўлиши кутилмоқда, фақат Тошкент, Сирдарё, Жиззах, Самарқанд, Қашқадарё, Сурхондарё вилоятларида 16 декабрда баъзи жойларда бир оз ёғингарчилик (ёмғир, қор) бўлади.
Тошкентда 14—15 декабрь ва 17 декабрда ёғингарчилик кутилмайди, 16 декабрда вақти-вақти билан бир оз ёғингарчилик (ёмғир, қор) бўлади. Ҳарорат кечалари 11-13 даража совуқдан 0-2 даража совуққача аста-секин кўтарилади, кундуз кунлари 14 декабрда 1-3 даража илиқ, 15 декабрда 4-6 даража илиқ, 16 декабрда 0-2 даража илиқ, 17 декабрда 2-4 даража илиқ бўлади. Кечаси ва эрталаб туман тушиши мумкин, йўлларда яхмалак юзага келади.
19 декабрда республиканинг шимолида ва чўл ҳудудларида, 20 декабрда марказий вилоятларда ва Фарғона водийси вилоятларида, шунингдек, декабрь ойининг охирги беш кунлик айрим кунларида республика бўйича баъзи жойларда (1-2 кун) ёғингарчилик (ёмғир, қор) бўлиши мумкин.
Ҳаво ҳарорати 18 декабрда кечаси 0-5 даража совуқ, кундузи 5-10 даража илиқ, 19—20 декабрда кечаси 3 даража совуқ-2 даража илиқ бўлади, кундузи 0-5 даража илиққача пасаяди.
21—31 декабрда ҳарорат кечалари 0-5 даража илиқдан 3-8 даража совуққача, кундуз кунлари 0-5 даража илиқдан 7-12 даража илиққача, шимолда кечалари 0-5 даража совуқдан 10-15 даража совуққача, кундуз кунлари 0-5 даража илиқдан 2-7 даража совуққача ўзгариб туриши кутилмоқда.
Изоҳ (0)