Ўзбекистон президенти Шавкат Мирзиёев Кувайт амири Наваф ал-Аҳмад ал-Жобир ас-Сабоҳ вафот этгани муносабати билан таъзия йўллади. Бу ҳақда президент матбуот котиби Шерзод Асадов хабар берди.
Президент марҳумнинг укаси, Кувайт валиаҳди шайх Мишъал ал-Аҳмад ал-Жобир ас-Сабоҳга таъзия йўллади. Шавкат Мирзиёев Кувайт халқига ҳамда марҳумнинг оила аъзоларига чуқур ҳамдардлик билдирди. Кувайт амири Наваф ал-Аҳмад ал-Жобир ас-Сабоҳ 16 декабрь куни 86 ёшида вафот этди. Мамлакатда амир вафоти муносабати билан 40 кунлик мотам эълон қилинди.
Амирнинг ўлими сабаблари ошкор этилмаган. Ноябрь ойи охирида у “соғлиғи билан боғлиқ муаммолар” туфайли зудлик билан касалхонага ётқизилгани хабар қилинганди. Наваф ал-Аҳмад ал-Жобир ас-Сабоҳ Кувайтни 2020 йилдан бери бошқариб келарди. У аввалги амир, ўгай акаси Сабоҳ IV нинг вафотидан кейин ушбу лавозимини эгаллаган.
Эндиликда Кувайтни 83 ёшли валиаҳд шаҳзода шайх Мишъал ал-Аҳмад ал-Жобир ас-Сабоҳ бошқаради.
Изоҳ (0)