Америкалик тадбиркор Tesla ва Space Х асосчиси Илон Маск (Forbes унинг бойлигини 236,9 миллиард долларга баҳолайди) Twitter‘ни сотиб олиш бўйича келишув қиммат бўлганини тан олди. Бироқ у ижтимоий тармоқнинг мухлиси бўлгани ва “у негатив йўналишда ҳаракатланаётгани” учун бунга қўл урганини айтди. Бу ҳақда у Париждаги технологик анжуманда маълум қилди, деб хабар беради Business Insider.
“Агар мен шунақа ақлли бўлсам, нега Twitter учун шунча кўп пул тўладими?” — деди у.
Маскнинг айтишича, у Twitter “цивилизацияга ва фуқаролик жамиятига ҳалокатли таъсир кўрсатаётганини” ҳис қилган.
“Цивилизацияга путур этказадиган ҳар қандай нарса, менинг фикримча, яхши эмас”, — дея қўшимча қилди тадбиркор.
“Ижтимоий тармоқ менинг назоратим остига ўтганидан бери у ‘тозаланди’, — деб таъкидлайди Маск. — Биз 90% ботлардан, фирибгарлардан ва содир бўлаётган турли ёмон нарсалардан халос бўлдик. Биз Twitter’да болаларни эксплуатация қилиш ҳақидаги 95% контентдан халос бўлдик”.
Маълумот учун, Илон Маск ўтган йилнинг кузида Twitter’ни 44 миллиард долларга сотиб олган. Шундан сўнг у ижтимоий тармоқда бир қатор ўзгаришларни амалга оширди. Жумладан, фойдаланувчиларга кўпроқ функцияларни тақдим этадиган пулли обунани талаб қиладиган Twitter Blue’ни йўлга қўйди.
Изоҳ (0)