Россиялик миллиардерлар орасида энг кўп маблағ йўқотган инсон Telegram асосчиси Павел Дуров бўлди — у бир йил ичида 3,6 миллиард долларидан айрилган, деб хабар беради Forbes.
Журнал маълумотларига кўра, 2023 йилда Дуровнинг бойлиги 11,5 миллиард долларга баҳоланмоқда. Умумий ҳисобда Forbes рўйхатидаги 110 кишидан 13 нафарининг бойлиги жами 8,5 миллиард долларга камайган.
Telegram рақобатчилари — WhatsApp ҳамда Snapchat мессенжерига эгалик қилувчи Снап компанияси котировкаларининг қулаши Telegram қийматига ҳам таъсир кўрсатди. Forbes’нинг Россия рейтингида 2022 йили учинчи ўринда бўлган Дуров ҳозирда 10-ўринга тушиб кетди.
Forbes рўйхатидаги “қашшоқлашган” бошқа миллиардерлар:
- Леонид Богуславский (Фатадог компанияси эгаси, 2022 йил февралида 174,51 миллиард бўлган капитализацияси 2023 йил февралида 78,35 миллиард долларга қадар тушиб кетган). Унинг бойлиги 1,1 миллиард долларга камайган бўлиб, ҳозирда 3,6 миллиард долларни ташкил этмоқда;
- Дмитрий ва Игор Бухманлар, уларга Playрих ўйинларини яратиш билан шуғулланувчи дастурчилар компанияси тегишли. Уларнинг ҳар бири 1,1 миллиард доллар йўқотган бўлиб, ҳозирда уларнинг бойлиги 7 миллиард долларни ташкил этмоқда.
Шунингдек, рўйхатда Фарҳад Аҳмедов (-600 миллион доллар), Олег Бойко (-200 миллион доллар), Дмитрий Риболовлев (-200 миллион доллар), Пётр Авен, Елена Батурина, Андрей Косогов, Александр Мамут, Александр Светаков ва Глеб Фетисов (ҳар бирининг бойлиги 100 миллион доллардан камайган) ҳам ўрин олган.
2023 йилда энг бой россиялик дея “Еврохим” ва “СУЭК” асосчиси Андрей Мелниченко топилган (25,2 миллиард доллар).
Дуров ўтган йили Forbes талқинига кўра Дубайдаги энг бой одам деб топилган эди. 2023 йил февраль ойида эса Telegram мессенжери асосчиси Павел Дуров Arabian Business талқинига кўра Дубайдаги энг нуфузли шахс деб тан олинган.
Изоҳ (0)