Лас-Вегасдаги Невада университети кампусида номаълум шахс ўт очиб, бир неча кишини яралади, камида уч киши ҳалок бўлгани маълум. Полиция жиноятчини ўлик ҳолда топди.
.webp)
Қурбонларнинг аниқ сони ҳозирча эълон қилинмаган. Лас-Вегас полицияси фақат уч кишининг ўлими ҳақида хабар берди. Қанча талаба жароҳат олгани ҳам ноаниқ. Бироқ Лас-Вегас полицияси шерифи Кевин Макмеҳиллнинг сўзларига кўра, полиция отишмачини топганида у ўлик ҳолда бўлган, деб ёзади CNN.
Расмий хабарларда гумонланувчининг ўлими сабаблари айтилмаган. Шаҳар бош шерифи тез орада батафсил интервью беришга ваъда беради.
Жамоатчилик учун энди таҳдид йўқ. Гумонланувчи вафот этди. Айни пайтда биз учта қурбон борлигини биламиз, аммо жароҳатланганлар сони номаълум. Бу рақам ўзгариши мумкин. Батафсилроқ маълумотга эга бўлганимизда сизга хабар берамиз, — деди шериф Макмеҳилл.
Аввалроқ АҚШнинг Мэн штати Льюистон шаҳрида 18 кишини ўлдирганликда гумон қилинган эркак уч кунлик қидирувдан сўнг ўлик ҳолда топилганди.
Изоҳ (0)