Тошкент шаҳрида “Бахти Ташкентский” лақаби билан танилган Қудратуллаев Бахтиёр Зафарович қўлга олингани тўғрисида хабар берилганди. Тошкент шаҳар жиноят ишлари бўйича Яккасарой туман суди Тошкент шаҳар ИИББ биносида Бахтиёр Қудратуллаевга доир ишни кўриб чиқди. Тошкент шаҳар суди ахборот хизмати ушбу маълумотни “Дарё”га тасдиқлади.
Суд қарори матнида келтирилишича, 29 ноябрь куни Бахтиёр Қудратуллаев Маъмурий жавобгарлик тўғрисидаги кодекснинг 183-моддаси (майда безорилик) ва 194-моддаси (ИИО ходимини қонуний талабини бажармаслик) 1-қисмида назарда тутилган маъмурий ҳуқуқбузарликларни содир этганликда айбли деб топилган. Суд қарори билан унга 15 сутка маъмурий қамоқ жазоси тайинланган.
Аввалроқ 1971 йилда туғилган Бахтиёр Қудратуллаев Жиноят коденсининг 165-модда 3-қисми (жуда кўп миқдорда товламачилик), 276-модда 2-қисми (кўп миқдорда гиёҳвандлик воситаларини сақлаш) билан гумонланиб қўлга олингани айтилганди.
Бундан олдин Тошкент шаҳрида профилактик тадбир давомида “Салимбой” номи билан танилган Салим Абдувалиев қўлга олинганди. 1950 йилда туғилган Абдувалиев Салим Киргизбаевич (248-модда 1-қисми, ўқотар қуролни қонунга хилоф равишда сақлаш) гумон қилинувчи тарзида жалб этилиб, процессуал тартибда ушланган.
Изоҳ (0)