S&P Global Ratings халқаро рейтинг агентлиги Ўзбекистоннинг хорижий валютадаги суверен кредит рейтингини барқарор прогноз билан “BB-” даражасида тасдиқлади. Бу ҳақида агентлик томонидан эълон қилинган ҳисоботда маълум қилинган.
Халқаро агентликнинг прогнозига кўра, 2023 йил охиригача Ўзбекистонда ялпи ички маҳсулотнинг реал ўсиши 5,6 фоиз даражасида бўлиши кутилмоқда.
S&P Global Ratings Ўзбекистоннинг миллий валютадаги рейтингини эса “B” даражасида тасдиқлади.
“Барқарор прогноз Ўзбекистоннинг нисбатан кучли фискал ва ташқи фонд позициялари ва паст фоиз юки унинг иқтисодиётига Россия-Украина урушининг мумкин бўлган салбий макроиқтисодий таъсирига қарши туришда давом этиши керак деган умидимизни акс эттиради. Барқарор прогноз, шунингдек, давлат ва ташқи қарз юкининг ошиши ҳақидаги кутилмамизни ҳам ўз ичига олади”, — дейилади хабарда.
Агентлик жорий йил учун Ўзбекистонда ялпи ички маҳсулотнинг реал ўсишини 5,6 фоиз, иш ҳақи ва ижтимоий харажатларнинг ошиши ҳисобига бюджет тақчиллиги ялпи ички маҳсулотга нисбатан 5,5 фоизни ташкил этишини прогноз қилмоқда.
S&P, шунингдек, Россия мамлакатга пул ўтказмаларининг энг йирик манбаи бўлиб қолаётганини ҳам таъкидлади.
Изоҳ (0)