Ўзбекистон Республикаси Президентининг 2023 йил 24 мартдаги “Иқтисодиётда давлат иштирокини қисқартиришнинг қўшимча чора-тадбирлари тўғрисида”ги қарорига мувофиқ капитал бозорини янада ривожлантириш, қимматли қоғозлар эмиссиясини кўпайтириш ҳамда жисмоний ва юридик шахсларнинг фонд бозоридаги иштирокини кенгайтириш мақсадида 40 та давлат корхонасига, жумладан, “Ўзбекинвест” экспорт-импорт суғурта компаниясига акцияларни фонд биржаси орқали оммавий жойлаштиришни амалга ошириш топширилган.
Президент қарорини амалга ошириш мақсадида Ўзбекистоннинг энг йирик суғурта компанияси — “Ўзбекинвест” мамлакатимиз суғурта бозорида биринчи бўлиб “Тошкент” республика фонд биржасида компания устав капиталининг 5 фоизи миқдорида акцияларнинг бирламчи оммавий жойлаштиришни (IPO) йўлга қўйди.
2023 йилнинг 28 ноябрь куни Hilton Tashkent City меҳмонхонасида потенциал инвесторлар учун “Ўзбекинвест” суғурта компаниясининг IPO тақдимоти бўлиб ўтди.
Тадбирда сўзга чиққан Ўзбекистон Республикаси Истиқболли лойиҳалар миллий агентлиги директорининг биринчи ўринбосари V.Пак, “Ўзбекинвест” компанияси Бош директори Р.Азимов томонидан Ўзбекистонда молия бозори аниқ бир мақсадга қаратилганлиги, жадал ривожланаётганлиги ва бунинг учун ҳам хорижий инвесторлар, ҳам маҳаллий инвесторлар учун барча шарт-шароитлар яратилиб берилаётганлиги таъкидлаб ўтилди. Роадшоw иштирокчиларига компаниянинг молиявий кўрсаткичлари, динамикаси ҳамда ўрта ва узоқ муддатли истиқболдаги ривожланиш стратегияси ҳақида ҳам маълумот берилди.
“Капитал депозит” андеррайтинг компанияси директори Ф.Ходжаев акцияларни чиқариш тартиби, жойлаштириш шартлари ҳақида маълумот бериб, “Ўзбекинвест” компаниясининг ишончлилиги ва молиявий барқарорлигини тасдиқлади. Ф.Ходжаев, шунингдек, инвесторлардан келиб тушган аризалар асосида шакллантириладиган бир дона имтиёзли акциянинг миқдори ва нарх диапазони тўғрисидаги маълумотларни тақдим этди.
IPO учун нарх диапазони ҳар бир имтиёзли акция учун 1000 – 1500 сўм этиб белгиланган. “Ўзбекинвест” 14 миллион донадан ортиқ имтиёзли акцияларни чиқарди. Акциялардан кафолатланган йиллик дивиденд даромади “Марказий банкнинг асосий ставкаси + 10%” даражасида белгиланди, бу ҳозирда йиллик 24 фоизни ташкил этмоқда.
Қандай қилиб Ўзбекинвест компанияси аксиядори бўлиш мумкин:
Жисмоний ва юридик шахслар, шунингдек, хорижий инвесторлар Ўзбекистондаги энг йирик суғурта компанияси - “Ўзбекинвест” акцияларини сотиб олишлари мумкин. Бунинг учун Кап Депо инвестиция компаниясига мурожаат қилиб, “Тошкент” Республика фонд биржасида савдо қилиш учун брокерлик ҳисоб рақамини очиш керак бўлади. Ҳисобварақ очишда инвестор нафақат IPOда қатнашиш, балки кейинчалик қимматли қоғозлар бозорида сотиш учун мавжуд бўлган ҳар қандай акцияларни сотиб олиш имкониятига эга.
Жисмоний шахслар учун онлайн тарзда брокерлик ҳисобварақларини очиш ва IPO да иштирок этиш учун аризаларни онлайн тарзда топшириш мумкин. Бунинг учун ipo.kapdepo.uz веб-сайтига ҳавола орқали ўтиб Kap Depo да брокерлик ҳисоб рақамини очиш лозим. Ҳисобварақ очилгандан сўнг инвестор акцияларни жойлаштиришда иштирок этиш учун ариза бериши мумкин бўлади.
Kap Depo инвестиция компанияси андеррайтери билан боғланиш учун алоқа: (55) 511-02-02 (Музаффар Розиқов)
Реклама ҳуқуқи асосида.
Изоҳ (0)