Шоҳрух Шораҳмедов Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси лавозимидан озод этилди.
ЎзАнинг хабар қилишича, у бошқа ишга ўтиши муносабати билан эгаллаб турган лавозимидан озод этилди.
Шавкат Мирзиёев 9 ноябрь куни бўлиб ўтган йиғилишда йирик савдо тармоқларида маҳаллий ишлаб чиқарувчиларга тенг шароит яратилмагани, улардан маҳсулот пулини олишдаги муаммолар, аҳолида маҳсулот сифати ва нарх-навоси бўйича шикоятлар кўплиги Рақобат қўмитаси фаолиятидаги жиддий камчиликлардан далолат эканини айтганди.
Шу муносабат билан қўмита раиси Шоҳрух Шорахметовнинг эгаллаб турган лавозимига лойиқлиги масаласини кўриб чиқиш топширилганди.
Шоҳрух Шораҳмедов Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси лавозимида 2022 йил декабрь ойидан буён ишлаб келаётганди.
Изоҳ (0)