Франция Мудофаа вазирлиги янгиланган М51 стратегик баллистик ракетаси муваффақиятли синовдан ўтказилганини эълон қилди.
“Мудофаа вазири Себастьян Лекорну М51 стратегик баллистик ракетаси муваффақиятли синовдан ўтказилганига катта мамнуният билдирди. Ракета, режалаштирилганидек, Шимолий Атлантика океанига, қирғоқдан юзлаб километр узоқликдаги ҳудудга қўнди”, — дейилади вазирликнинг баёнотида.
Франция Мудофаа вазирлигининг аниқлик киритишича, синовлар “халқаро қонунларга тўлиқ мувофиқ ҳолда” ўтказилган ҳамда “яратилган ракета ва барча ядровий тийиб туриш кучларнинг самарадорлигини кўрсатган”.
М51 - француз сув ости кемасидан учириладиган қаттиқ ёқилғида ишлайдиган баллистик ракета. Бу ракетани яратиш ишлари 1990 йилларнинг бошларида бошланган. 2010 йилларда ракета Франция қуролли кучлари томонидан қабул қилинган.
Дастлабки лойиҳа максимал 11 минг км масофани кўзда тутган эди, аммо кейинчалик техник қийинчиликлар туфайли у 9 минг км гача қисқартирилди. Ракеталарнинг навигация тизими Галилео сунъий йўлдош тизимидан фойдаланади.
Изоҳ (0)