Ҳафта ўрталарида об-ҳаво ёмонлашиши кутилмоқда, деб хабар бермоқда “Ўзгидромет”.
Қайд этилишича, 20 ноябрь, душанба куни Ўзбекистон ҳудуди бўйлаб ҳаво бир оз булутли бўлади, баъзи жойларда ўзгариб туради, ёғингарчилик кутилмайди. Куннинг ўртасига келиб ҳаво 20-23 даражагача илиқ бўлади.
Сешанба куни янада илиқроқ бўлиши кутилмоқда, кундузи ҳаво ҳарорати 24-27 даража илиқ бўлади ва республиканинг аксарият қисмида ёғингарчилик кузатилмайди, фақат Қорақалпоғистон, Хоразм вилоятида, куннинг иккинчи ярмида Бухоро, Навоий вилоятларининг баъзи жойларда ёмғир ёғади.
22 ноябрь, чоршанба куни шимолий-ғарбий ҳудудлардан кириб келаётган нам ҳаво массаси бутун Ўзбекистон ҳудуди бўйлаб тарқалади. Республика ҳудудининг катта қисмида ёмғир ёғади, тоғ олди ҳудудларининг айрим жойларида кучли ёғингарчилик кутилади.
23 ноябрь куни фақат Фарғона водийси вилоятларида ёмғир ёғади, қолган ҳудудларда ёғингарчилик кутилмайди. 24 ноябрда республиканинг барча ҳудуди бўйлаб ҳаво қуруқ бўлади.
Тоғли ҳудудларда ёғингарчилик бўлади, 22—23 ноябрь кунлари вақти-вақти билан кучли ёғади.
20—22 ноябрь кунлари баъзи жойларда шамол тезлиги 15-20 метр/секундгача кучайиши, 21-23 метр/секундгача етиши, айрим жойларда чанг-тўзон билан кузатилиши мумкин.
Ҳаво ҳарорати 22—24 ноябрда 13-18 даражагача, баъзи жойларда 10-12 даражагача пасаяди. 23—24 ноябрь кунлари кечаси ҳарорат 3-6 даража илиққача пасаяди, шимолда 1-3 даража совуққача тушиши мумкин.
Тошкентда душаба ва сешанба кунлари ёғингарчилик кутилмайди. 22 ноябрда вақти-вақти билан ёмғир ёғади. 23—24 ноябрда яна ёғингарчилик кутилмайди. Шарқий шамол йўналишини ўзгартириб, ғарбдан 5-10 метр/секунд тезликда эсади, 22 ноябрда 12-15 метр/секундгача кучайиши мумкин.
Ҳарорат бугун кундузи 20-22 даража, сешанба куни 24-26 даража илиқ бўлади. 22—24 ноябрда ҳаво ҳарорати 13-18 даража илиққача, 23 ноябрда 11-13 даража илиққача пасаяди. 21—22 ноябрда ҳарорат кечаси 10-15 даража, 23—24 ноябрда 3-8 даража илиққача пасаяди.
Изоҳ (0)