Build Pro Expo 2023 доирасида тадбир ташкилотчилари жамият ва аҳолининг мухтож қатламларига ёрдам беришга қаратилган саъй-ҳаракатларга йўналтириб, ижтимоий фаолликни намойиш этишни режалаштирмоқда.
Қурилиш соҳасидаги йилнинг муҳим воқеаларидан бири – Build Pro Expo 2023 кўргазмасининг ташкилотчиси бўлган “Соф Expo Center Самарканд” кўргазмага янги ранг қўшишга, шу орқали технология ва бизнесни хайрия билан уйғунлаштиришга қарор қилди. Бундай тадбирлар бозор иштирокчиларини мунтазам равишда инновацион ғоялар, технологиялар ва қурилишнинг келажаги учун қарашлари билан ўртоқлашадиган, алоқаларни ўрнатадиган ва ҳамкорлик шартномаларини тузадиган тадбирлардир.
Аммо шу йил кўргазма иштирокчилари ва меҳмонларига бизнес кўргазмани ўзига хос маъно ва қадрият билан тўлдирадиган таклифлар берилади.
– Хайрия ташаббуси барчамиз учун жамиятга ҳисса қўшиш, ўз касбий тажрибамиздан ижобий ўзгаришлар яратишда фойдаланиш учун куч ва ресурсларни бирлаштириш имкониятидир, – дейди тадбир ташкилотчиси Аҳмад Таджибаев.
– Албатта, маънавий жиҳатдан ташқари, замонавий компаниялар ривожланишида ижтимоий- корпоратив масъулиятнинг асосий ролини унутмаслигимиз керак. Ривожланаётган стартаплар учун ҳам, йирик бизнес учун ҳам КСМ, - бу биринчи навбатда, обрўва ишончдир”.
Кўргазманинг 3 куни давомида, 22—24 ноябрь кунлари барча кўргазма иштирокчилари ва меҳмонларига “Яхшилик меъморчилиги” хайрия тадбирида иштирок этиш имконияти тақдим этилади. Бир қатор нотижорат ташкилотлар ёрдам объэктлари сифатида тақдим этилади:
- “Нурли маскан” кўзи ожиз болалар мактаб интернатида бугунги кунда 245 нафар ўқувчи таҳсил олмоқда, улар орасида Республика мактаб олимпиадаси ғолиблари бўлган иқтидорли болалар ҳам кўп.
- “Саховат” кексалар ва ногиронлар уйи – қариндошлари ёки уларга тегишли парвариш кўрсатишга қодир бўлмаган бошқа шахслари бўлмаган ёлғиз кексалар ва 18 ёшдан ошган I ва II гуруҳ ногиронлари учун давлат тиббий-ижтимоий муассасаси ҳисобланади.
- Терра вита – Самарқанддаги энг биринчи жонзотлар учун бошпана уйидир. Ушбу муассасада 120 дан ортиқ ит ва мушуклар яшайди, уларнинг аксарияти турли хил жароҳатларга эга. Бу ерда сақланадиган барча жонзотлар эмланади, стерилизация қилинади ва уларнинг барчаси паспортга эга.
- SOS Болалар шаҳарчаси (Самарқанд), унинг фаолияти ота-она қарамоғисиз қолган ёки ижтимоий этимлик хавфи остида қолган болалар ва ёшларга, шунингдек, оғир ҳаётий вазиятга тушиб қолган оилаларга қаратилган.
“Соф Expo” компанияси томонидан мазкур объектларга бўлган эҳтиёж ва талабларни аниқлаш бўйича ишлар олиб борилди. Керакли ёрдам рўйхати, шунингдек, алоқалар ва ташкилотлар манзиллари ҳақидаги маълумотлар кўргазма координаторлари томонидан тақдим этилади.
Энг яхши намуна – бу шахсий йъани ўзимиздан ўрнак. Ташкилотчи сифатида Соф Expo биринчи бўлиб "Яхшилик архитектураси" га ғишт қўяди ва кўргазмада иштирок этиш учун тушган маблағнинг бир қисми Нурли Маскан мактаби фойдасига ўтказилишини эълон қилади. Хусусан, маблағлар мактаб-интернат ҳудудида кир ювиш учун мўлжалланган хона қурилишига ажратилади.
Режалаштирилган ташаббус анъанавий бизнес ва ҳамкорлик доирасидан ташқарига чиқади. Кўргазма ташкилотчиларининг фикрича, янги тажриба жамиятга ғамхўрлик қилиш илҳомлантирувчи урғуга айланиб, қурилиш технологиялари оламига янги маъно ва имкониятлар қўшадиган платформа яратишга ёрдам беради. Биргаликда компаниялар нафақат тижорий муваффақиятга, балки ҳар бир киши қўллаб-қувватланадиган ва чинакам иштирок этадиган жамиятни яратишга интилади.
Реклама ҳуқуқи асосида.
Изоҳ (0)