“Тескари ўгирилган Женни” номи билан машҳур бўлган ноёб почта маркаси Нью-Йоркдаги аукционда рекорд даражадаги 2 миллион долларга сотилди.
1918 йилда чоп этилган матбаа хатоси бўлган маркани 76 ёшли коллекционер Чарльз Хек сотиб олди, деб ёзади Тhе Washington Post.
Маркада почта биплани оёғи осмондан қилиб тасвирланган. Хато аниқлангунча бу маркалардан атиги 100 таси чиқарилган ва ўшандан бери бадавлат филателистлар бир пайтлар 24 центга сотилган маркаларни катта пулга қайтариб сотиб олишмоқда. Чарльз Хек Қўшма Штатлардаги филателистлар орасида рекордчига айланди.
Кеча “Титаник” кемасининг биринчи класс йўловчилари учун кечки овқат менюси нусхаси Буюк Британиядаги Henry Аldrige ва Son кимошди савдосида 84 минг фунт стерлингга (тахминан 102,769 доллар) сотилганди.
Менюда 1912 йил 11 апрель санаси акс этган. Ўша куни кечки овқатга лайнердаги йўловчиларга устрица, мол гўшти, қўзичоқ ва ўрдак гўшти берилган. Сотилган менюда сув белгилари бор. Нусха тарихчи Лен Стивенсоннинг 1960 йиллардаги фотоальбомида топилган.
Изоҳ (0)