“Ўзбекистон президенти ҳузуридаги Хорижий инвесторлар кенгашидан жуда миннатдорман” — Швейцария элчиси Константин Оболенский

Ўзбекистон ўз инфратузилмасини модернизация қилишга катта миқдорда сармоя киритмоқда. Бу ҳақда Тошкент шаҳрида 9 ноябрь куни бўлиб ўтган Швейцария кунларига бағишланган матбуот анжуманида Швейцариянинг Ўзбекистондаги фавқулодда ва мухтор элчиси Константин Оболенский айтиб ўтди, дея хабар бермоқда “Дарё” мухбири.

 

Константин Оболенскийнинг айтишича, Швейцария кунларида асосий эътибор инфратузилмага қаратилмоқда.

“Чунки ҳозирги ислоҳотлар билан Ўзбекистон ўз инфратузилмасини модернизация қилишга катта миқдорда сармоя киритмоқда. Булар мамлакатни янада ривожлантиришга йўл очаётган сармоядир. Ушбу инвестициялар, албатта, истиқболли ва барқарор бўлиши керак.

Швейцария маҳсулотлари нафақат энг замонавий санъат асарлари эканлиги, балки ўзининг юқори аниқлиги, сифати ва узоқ умр кўриши билан ҳам машҳурдир. Ишончимиз комилки, Швейцария тажрибаси ва ноу-хауси Ўзбекистон ривожига фойда келтириши мумкин.

Бизнинг компаниялар сифат, инновация ва ишончни таъминлайди ва тақдим этади. Уларнинг маҳсулотлари ва хизматларига қуйидагилар киради: жамоат транспорти тизимлари, чорвачиликни бошқариш тизимларида, шунингдек, озиқ-овқат ва ичимликларни қайта ишлашда сув инфратузилмаси муҳандислиги, қурилиш, йўл қурилиши ва тоғ-кон саноати учун юқори аниқликдаги ускуналар, энергия чиқиндиларини йўқотиш бўйича ечимларни ўз ичига олади”, — деди элчи.

Унинг алоҳида таъкидлашича, Швейцария компанияларининг Ўзбекистонга замонавий маҳсулот ҳамда хизматларни олиб киришга қизиқиши аниқ ва бу қизиқиш ортиб бормоқда.

“Айни пайтда Ўзбекистонда 40 га яқин Швейцария компаниялари қуйидаги соҳаларда фаолият юритмоқда: булар фармацевтика секторидан тортиб логистика, озиқ-овқат, ичимлик, муҳандислик, сув хўжалиги, тўқимачилик машинасозлиги ва инфратузилмагача.

Ўтган йили Швейцария биринчи марта Ўзбекистонга экспорт қилувчи давлатлар йигирматалигига кирди. Ишончим комилки, мамлакатларимизнинг хусусий сектор ҳамкорлигини янада ривожлантириш салоҳиятидан фойдаланишнинг айни вақти келди. Бу салоҳиятни рўёбга чиқаришга кўмаклашаётган Ўзбекистон ҳукумати ва турли идоралар, жумладан, Ўзбекистон президенти ҳузуридаги Хорижий инвесторлар кенгашидан жуда миннатдорман”, — деди Константин Оболенский.

Маълумот учун, Швейцария кунлари Ўзбекистонда иккинчи марта ўтказилмоқда.