Британиянинг Collins инглиз тили изоҳли луғатини тузувчилар 2023 йил сўзи сифатида “АI”ни танлади.
АI — бу сунъий интеллектнинг инглизча номи қисқартмаси. Луғат сунъий интеллект атамасига “инсоннинг ақлий жараёнларини компьютер дастурлари ёрдамида моделлаштириш” деб таъриф берган.
Collins директори Алекс Бикрофтга кўра, 2023 йилда эътибор марказида бўлган сунъий интеллектнинг жадал ривожланиши туфайли АI йил сўзи сифатида танланган. Компания маълумотларига кўра, жорий йилда бу атама тўрт баробар кўпроқ қўллана бошлади.
Collins’нинг 2023 йил учун энг асосий сўзлар рўйхатидан қуйидагилар ҳам жой олган:
- Deinfluencing — обуначиларни муайян маҳсулотлардан, турмуш тарзидан ва ҳоказолардан қочиш зарурлиги ҳақида огоҳлантириш учун ижтимоий тармоқлардан фойдаланиш;
- Nepo baby — ота-онасининг муваффақияти асосида машҳурликка эришган деб ҳисобланувчи шахс;
- Canon event — инсон шахсини шакллантиришда муҳим туртки бўлган воқеа;
- Greedflation — корхоналарнинг ўз даромадларини ошириш мақсадида инфляцияни баҳона сифатида ишлатиши;
- Semaglutide — иштаҳани ва қондаги шакар даражасини пасайтириш учун ишлатиладиган дори.
Collins инглиз луғати 2022 йилда “permacrisis”, яъни доимий инқирозни йил сўзи деб танлаганди.
Изоҳ (0)