UzAuto Motors компанияси оммабоп автомобиллар учун шартномалар 2024 йилга қадар очилмаслиги айтилган хабарларга муносабат билдирди.
Ижтимоий тармоқларда оммабоп автомобиллар учун шартномалар 2024 йилга қадар очилмаслиги ҳақида хабарлар тарқалди. “Ўзавтосаноат” акциядорлик жамияти матбуот хизмати раҳбари Зумрад Шожалилованинг “Дарё”га маълум қилишича, ушбу хабарлар ёлғон.
“Ҳурматли мижозлар, UzAuto Motors фаолияти тўғрисида фақатгина компания расмий саҳифалари орқали билиб олишингиз мумкин”, — дейилади муносабатда.
Эслатиб ўтамиз, UzAuto Motors 4 август куни ишлаб чиқариш линияларида амалга оширилган модернизация ишлари, шунингдек, завод фаолияти самарадорлигининг ошиши ҳисобига 2023 йилда қўшимча 50 000 дона автомобиль ишлаб чиқариш имконияти яратилганини маълум қилган эди. Эртасига, 5 августда эса шартнома бериш тўхтатилгани маълум қилинганди.
Шунингдек, 18 сентябрь куни UzAuto Motors расмий сайтида кўрсатилган комплектация ва ранглардаги Chevrolet Cobalt, Lacetti, Damas ва Labо автомобиллари учун контрактация очилди ва кўп ўтмай Cobalt ва Lacetti учун шартнома бериш тўхтатилди.
Изоҳ (0)