Тошкент шаҳрида жамоат транспортларида йўл ҳақи 1 ноябрдан янгича тариф асосида ҳисобланади. Бу ҳақда “Тошшаҳартрансхизмат” хабар берди.
Қайд этилишича, пойтахт жамоат транспортида янги, қўшимча ва рағбатлантирувчи тарифлар жорий этилмоқда. Унга кўра, бир йўловчи қатнови учун чекланган тарифлар нақд пул ва банк карталарти орқали 2000 сўм, АТТО транспорт карталари орқали тўлов учун эса 1700 сўм этиб белгиланмоқда.
Йўловчилар АТТО транспорт карталаридан фойдаланган ҳолда бир соат ичида иккинчи маротаба автобусдан фойдалансалар йўл ҳақи учун 700 сўм тўлайди. Бир соат давомида йўловчилар автобусдан учинчи ва тўртинчи маротаба маълум бир манзилга ҳаракатланиши эса мутлақо бепул бўлади.
Май ойи охирига қадар Тошкент жамоат транспорти йўловчилари учун янгича нархларни ўз ичига олган қулай тарифлар жорий этилиши ҳақида хабар берилганди. Июнь ойида шаҳар кенгаши депутати Хусниддин Эргашев ўзгариш кейинга — камида шу йилнинг куз ойларига қолдирилганини маълум қилди.
Изоҳ (0)