Электрон тижорат форуми доирасида Жаҳон банки (EGATE электрон тижоратни ривожлантириш гуруҳи), Uzum Market миллий маркетплейси, Amazon, MasterCard, Alibaba, DHL, USAID компаниялари вакиллари, шунингдек, Ўзбекистон ва хорижий экспертлар мамлакатда онлайн савдони ривожлантириш истиқболларини, шунингдек, электрон тижоратнинг иқтисодиётни рақамлаштиришга таъсирини муҳокама қиладилар.
— Биз учун етакчи миллий ўйинчи сифатида давлат органлари, Жаҳон банки, етакчи халқаро компаниялар мутахассислари ва ҳамкасблари билан тажриба алмашиш, энг яхши амалиёт ва ечимларни жорий этиш муҳим, — деди Uzum Market бош директори Илшат Ҳаметов. — Мутахассисларнинг фикрига кўра, келгуси 5 йил ичида мамлакатда онлайн савдо бозори 7 баравар кўпаяди ва биз ҳаммамиз бу ўсишга ҳиссамизни қўшмоқдамиз.
Бугунги кунда Uzum Market миллий маркетплейсида мамлакат бўйлаб 6500 дан ортиқ компания ва тадбиркорлар ўз товарларини сотмоқда, компания мамлакатдаги энг йирик логистика инфратузилмасини фаол ривожлантирмоқда, мамлакат бўйлаб 70 та аҳоли пунктларида тез етказиб бериш билан 600 мингдан ортиқ ноёб товар номларини харид қилиш имкониятини бермоқда.
Ўзбекистон фуқаролари ва тадбиркорлари учун ўз логистика инфратузилмасини, рақамли банк ва молиявий сервисларини янада ривожлантириш учун Узум экотизими турли мамлакатларнинг халқаро инвестиция фондлари билан биргаликда 300 млн доллар сармоя киритишни режалаштирмоқда. ICТWeek Uzbekistan 2023 давомида Узум вакиллари IT-секторда инвестициялар ва давлат-хусусий шериклик имкониятлари бўйича форумда, шунингдек, ICPC дастурлаш бўйича халқаро талабалар олимпиадасининг Республика босқичи ғолибларини тақдирлаш маросимида иштирок этади.
Форум 26 октябрь куни соат 14:00 да IT Parkда бўлиб ўтади. Тадбирда иштирок этиш учун ictweek.uz веб-сайтда рўйхатдан ўтиш керак.
Шериклик ҳуқуқи асосида.
Изоҳ (0)