“Ўзбекистон бозоридан умидимиз катта” — хитойлик автомобиль ишлаб чиқарувчилар Тошкентга келди

Хитойлик йирик автомобиль ишлаб чиқарувчилар Тошкент шаҳридаги EXEED автосалонига келди. Бу ҳақда EXEED ахборот хизмати “Дарё”га хабар берди.

Chery holding group компанияси раиси Йин Тонгюе, компания топ-менежери ва Chery international президенти Зҳанг Гуибинг, компаниянинг Шарқий Европа бўйича бош менежери ҳамда Осиё-Тинч океани минтақасидаги раҳбари Лиу Жифанг Ўзбекистонга келди. Меҳмонлар Тошкентдаги EXEED автосалонида бўлиб, Ўзбекистондаги дилерлар билан ҳамкорликни янада кенгайтириш масалаларини муҳокама қилди.

Хабарга кўра, Хитойнинг йирик компаниялари вакиллари маҳаллий автомобиль бозоридан умидлари катта эканини билдирган.

“Маҳаллий истеъмолчиларнинг ўсиб бораётган талабларини қондириш учун маҳсулот сифати ва хизмат кўрсатиш даражасини оширамиз”, —деган меҳмонлар.

Учрашувда янги маркетинг стратегиялари ва амалга ошириладиган бир қатор ҳамкорлик режаларини ишлаб чиқиш борасида суҳбатлашилган. Йин Тонгюе дилерларни кўпроқ қўллаб-қувватлаш, маркетинг компаниялари, ўқув дастурлари ва сотув ўсишига ёрдам бериш мақсадида Ўзбекистонга кўпроқ инвестиция киритилишини айтган.

Меҳмонлар Ўзбекистонни ҳамкорлик борасида юқори салоҳиятга эга, муҳим стратегик бозор деб билишини таъкидлаган.

Маълумот учун, EXEED — йирик автомобиль ишлаб чиқарувчи компания ҳисобланиб, у жаҳон истеъмолчиларини юқори сифатли автомобиллар билан таъминлаб келмоқда.