БААнинг Абу-Даби шаҳрида 21 октябрь, шанба куни UFC 294 мусобақаси бўлиб ўтди.
UFC 294 кечасининг иккинчи асосий жанги Ҳамзат Чимаев (13-0) ва Камару Усмон (20-4) ўртасида кечди. Биринчи раундда Чимаев устунлик кўрсатди. Камару эса муносиб ҳимояланди.
Иккинчи раундда эса жангчилар “стойка”да ҳаракатланди ва унда Усмон фаоллик кўрсатди. Учинчи раундда эса Чимаев ҳам Камару ҳам очиқ жангга киришди. Раунд ўртасида эса Чимаев рақибини партерга олди. Камару эса бундан чиқиб кета олди.
Уч раунд натижаларига кўра, Ҳамзат Чимаев ҳакамлар қарорига кўра (29-27, 29-27, 28-28) ғалаба қозонди.
Эслатиб ўтамиз, UFC оқшомининг асосий жанги Ислом Махачев ҳамда Алекс Волкановски ўртасида кечади.
Изоҳ (0)